Podupu Kathalu in Telugu | తెలుగు పొడుపు కథలు

నాలో దేశాలు ఉంటాయి కాని మనుషులు ఉండరు, సముద్రాలు ఉంటాయి కాని నీల్లు ఉండవు, రోడ్లు ఉంటాయి కాని వాహనాలు ఉండవు, ఎవరు నేను?
జవాబు: ప్రపంచ పటము

తెల్లని పోలీసుకు నల్లని టోపీ.
జవాబు: అగ్గిపుల్ల

చిన్న పాపకు చాలా చీరలు. ఏమిటది.?
సమాధానం :
ఉల్లిపాయ జాన కాని జాన, ఏమి జాన.?
సమాధానం :ఖజాన

కిట కిట తలపులు కిటాయి తలపులు ఎంత మూసిన తెరచిన చప్పుడు కావు ఏంటవి?
జవాబు: కనురెప్పలు

తెలిసేలా పూస్తుంది, తెలియకుండా కాస్తుంది.?
సమాధానం :వేరుశెనగ కాయ

లాగి విడిస్తేనే బ్రతుకు.?
సమాధానం :ఊపిరి

మూత తెరిస్తే, ముత్యాల పేరు.?
సమాధానం :దంతాలు

మేకల్ని తోలేసి తడకలకి పాలు పిండుతారు.?
సమాధానం :తేనె పట్టు

మొగ్గ కాని మొగ్గ, ఏమి మొగ్గ.?
సమాధానం :లవంగ మొగ్గ

పువ్వులో అందరికీ పనికి వొచ్చే పువ్వు.?

సమాధానం :పత్తి పువ్వు.

పెద్ద ఇంటిలో పొట్టివాన్ని నిలబెడితే నిండా నేనే.?
సమాధానం : దీపం

పొద్దుటూరి చెట్లలో పొదిలింది చెళవాయి, చూసే వారే కాని పట్టే వారు లేరు.?
సమాధానం : సూర్యుడు

ముళ్ల కంచెలో మిఠాయి పొట్లం.?

సమాధానం : తేనె పట్టు

రసం కాని రసం, ఏమి రసం.?
సమాధానం : నీరసం

మొదట చప్పన, నడుమ పుల్లన, కొస కమ్మన.?
సమాధానం : పాలు, పెరుగు, నెయ్యి

రాణాలనే మించిన రణం, ఏమి రణం.?
సమాధానం : మరణం

రంగం కాని రంగం, ఏమి రంగం.?
సమాధానం : వీరంగం

మత్తు కాని మత్తు, ఏమి మత్తు.?
సమాధానం : గమ్మత్తు

అందరినీ పైకి తీసుకుకెళ్తుంది, కాని తాను మాత్రం పైకి వెళ్ళదు.?
సమాధానం : నిచ్చెన

ముడ్డి పిసికి, మూతి నాకుతారు.?
సమాధానం : మామిడి పండు

టూరు కాని టూరు, ఏమి టూరు.?
సమాధానం : గుంటూరు

మోదం కాని మోదం?
సమాధానం : ఆమోదం

రెక్కలు లేని పిట్ట గూటికి సరిగా చేరింది.?
సమాధానం : ఉత్తరం

కొక లేదు, సీత కాదు! రామ చిలుక కానేకాదు!! అదేమిటి.?
సమాధానం : సీతాకోక చిలుక

రాజాధి రాజులు కూడా ఒకరిముందు తల వంచుకుంటారు.?
సమాధానం : మంగలి

రాజు నల్లన, ప్రధాని పచ్చన, పాలు పుల్లన.?
సమాధానం : తాటి చెట్టు

రెండు కొడతాయి, ఒకటి పెడుతుంది.?
సమాధానం : ఎండ, వాన, చలి

రాళ్ల అడుగున విల్లు, విల్లు కోనలో ముళ్ళు’?
సమాధానం : తేలు

అందమైన గిన్నెలో ఎర్రని పిట్ట తోకతో నీళ్లు త్రాగుతుంది.?
సమాధానం : దీపం వత్తి

కడుపు నిండా రాగాలు, వంటి నిండా గాయాలు.?
సమాధానం : మురళి

ఇష్టంగా తెచ్చుకుంటారు, చంపి ఏడుస్తారు.?
సమాధానం : ఉల్లి

సముద్రంలో పుట్టిపెరిగి ఊరిలో అరుస్తుంది, ఏమిటది.?
సమాధానం : శంఖం

చెట్టుకు కాయని కాయ కరకరలాడే కాయ.?
సమాధానం : కజ్జికాయ

వాలం ఉంది కాని కోతిని కాదు, నామముంటుంది కాని పూజారిని కాదు.?
సమాధానం : ఉడత

చారల చారల పాము , నునువైన పాము , చక్కటి పాము మరియు వ్రేలాడే పాము ..ఏంటది ?

సమాధానం : ఉడత

ఆటకత్తే ఎప్పుడు లోనే నాట్యం చేస్తూ ఉంటుంది.. ఏంటది ?

సమాధానం : నాలుక

తడిస్తే గుప్పెడు మరియు ఏండితే బుట్టెడు… ఏంటది..?

సమాధానం : దూది

చిన్న పాపకు చాలా చీరలు. ఏమిటది?
సమాధానం :  ఉల్లిపాయ

జాన కాని జాన, ఏమి జాన?
సమాధానం :  ఖజాన

తెలిసేలా పూస్తుంది, తెలియకుండా కాస్తుంది?
సమాధానం : వేరుశెనగ కాయ

లాగి విడిస్తేనే బ్రతుకు?
సమాధానం : ఊపిరి

పువ్వులో అందరికీ పనికి వొచ్చే పువ్వు?
సమాధానం : పత్తి పువ్వు

పెద్ద ఇంటిలో పొట్టివాన్ని నిలబెడితే నిండా నేనే?
సమాధానం : దీపం

పొద్దుటూరి చెట్లలో పొదిలింది చెళవాయి, చూసే వారే కాని పట్టే వారు లేరు?
సమాధానం : సూర్యుడు

మూత తెరిస్తే, ముత్యాల పేరు?
సమాధానం : దంతాలు

మేకల్ని తోలేసి తడకలకి పాలు పిండుతారు?
సమాధానం : తేనె పట్టు

మొగ్గ కాని మొగ్గ, ఏమి మొగ్గ?
సమాధానం : లవంగ మొగ్గ

ముళ్ల కంచెలో మిఠాయి పొట్లం?
సమాధానం : తేనె పట్టు

రసం కాని రసం, ఏమి రసం?
సమాధానం : నీరసం

మొదట చప్పన, నడుమ పుల్లన, కొస కమ్మన?
సమాధానం : పాలు, పెరుగు, నెయ్యి

మోదం కాని మోదం?
సమాధానం : ఆమోదం

రెక్కలు లేని పిట్ట గూటికి సరిగా చేరింది?
సమాధానం : ఉత్తరం

కొక లేదు, సీత కాదు! రామ చిలుక కానేకాదు!! అదేమిటి?
సమాధానం : సీతాకోక చిలుక

రాజాధి రాజులు కూడా ఒకరిముందు తల వంచుకుంటారు?
సమాధానం : మంగలి

రాజు నల్లన, ప్రధాని పచ్చన, పాలు పుల్లన?
సమాధానం : తాటి చెట్టు

రెండు కొడతాయి, ఒకటి పెడుతుంది?
సమాధానం : ఎండ, వాన, చలి

రాళ్ల అడుగున విల్లు, విల్లు కోనలో ముళ్ళు?
సమాధానం : తేలు

అందమైన గిన్నెలో ఎర్రని పిట్ట తోకతో నీళ్లు త్రాగుతుంది.
సమాధానం : దీపం వత్తి

కడుపు నిండా రాగాలు, వంటి నిండా గాయాలు?
సమాధానం : మురళి

ఇష్టంగా తెచ్చుకుంటారు, చంపి ఏడుస్తారు?
సమాధానం : ఉల్లి

సముద్రంలో పుట్టిపెరిగి ఊరిలో అరుస్తుంది, ఏమిటది?
సమాధానం : శంఖం

చెట్టుకు కాయని కాయ కరకరలాడే కాయ?
సమాధానం : కజ్జికాయ

వాలం ఉంది కాని కోతిని కాదు, నామముంటుంది కాని పూజారిని కాదు?
సమాధానం : ఉడత

రాణాలనే మించిన రణం, ఏమి రణం?
సమాధానం : మరణం

రంగం కాని రంగం, ఏమి రంగం?
సమాధానం : వీరంగం

మత్తు కాని మత్తు, ఏమి మత్తు?
సమాధానం : గమ్మత్తు

అందరినీ పైకి తీసుకుకెళ్తుంది, కాని తాను మాత్రం పైకి వెళ్ళదు?
సమాధానం : నిచ్చెన

ముడ్డి పిసికి, మూతి నాకుతారు?
సమాధానం : మామిడి పండు

టూరు కాని టూరు, ఏమి టూరు?
సమాధానం : గుంటూరు

టిక్కు టిక్కుల బండి, టిక్కులాడి బండి, అందరూ వాడే బండి, బ్రేకులు లేని బండి?
సమాధానం : గడియారం

డ్రస్ కాని డ్రస్, ఏమి డ్రస్?
సమాధానం : అడ్రెస్

తొడిమె లేని పండు! చాలా కాలం ఉండు!!?
సమాధానం : విభూతి

జాబు కాని జాబు, ఏమి జాబు?
సమాధానం : పంజాబు

తోక లేని పిట్ట 90 ఆమడలు పోతుంది?
సమాధానం : పోస్ట్ కార్డు

జారు కాని జారు, ఏమి జారు?
సమాధానం : బజారు

తిరిగే దీపము, గాలి-వానకు ఆగని దీపము, చమురులేని దీపము, పిట్టల దీపము?
సమాధానం : మిణుగురు పురుగు

తాళము కాని తాళము, ఏమి తాళము?
సమాధానం : ఆది తాళము

తమ్ముడు కుంటుతూ కుంటుతూ మైలు నడిచేసరికి అన్న పరుగెత్తుతూ పన్నెండు మైళ్ళు నడుస్తాడు?
సమాధానం : గడియారం ముళ్ళు

తాళి గాని తాళి, ఏమి తాళి?
సమాధానం : ఎగతాళి

తెలిసి కుడుతుంది, తెలియక చస్తుంది?
సమాధానం : చీమ, దోమ

ఎర్రని ముక్కు, తెల్లని వొళ్ళు, పొడుగ్గా పుట్టి పొట్టిగా పెరుగుతుంది?
సమాధానం : క్రొవ్వొత్తి

దానము కాని దానము, ఏమి దానము?
సమాధానం : మైదానము

తోలు నలుపు! తింటే పులుపు!! ఏమిటది?
సమాధానం : చింతపండు

ధనము కాని ధనము, ఏమి ధనము?
సమాధానం : ఇంధనము

చెప్పిందే చెప్పినా చిన్న పాప కాదు, ఎక్కడి పండ్లను తిన్నా దొంగ కాదు?
సమాధానం : రామ చిలుక

నాలుగు కాళ్ళున్నాయి కాని జంతువుని కాను, శరీరమంతా రంధ్రాలున్నాయి కాని వలను కాను?
సమాధానం : మంచము

పాలు కాని పాలు, ఏమి పాలు?
సమాధానం : లోపాలు

నీరు తగిలితే గుప్పెడవుతుంది, ఎండ తగిలితే గంపెడవుతుంది?
సమాధానం : దూది

పురము కాని పురము, ఏమి పురము?
సమాధానం : గోపురము

నీతో దెబ్బలు తిన్నాను, నిలువునా ఎండిపోయాను, నిప్పుల గుండము తొక్కాను, గుప్పెడు బూడిదనయ్యాను?
సమాధానం : పిడక

ఎక్కడికెళితే అక్కడికొస్తాను కాని చెప్పును కాదు, అందరికి కనిపిస్తాను కాని అద్దమును కాదు?
సమాధానం : నీడ

నన్ను కొడితే ఊరుకోను, గట్టిగా అరుస్తాను, దేవుడిని పిలుస్తాను?
సమాధానం : గుడి గంట

నారి కాని నారి, ఏమి నారి?
సమాధానం : పిసినారి

నిప్పు నన్ను కాల్చలేదు, నీరు నన్ను తడపలేదు, సూర్యుడితో వొస్తాను, సూర్యుడితో పోతాను?
సమాధానం : నీడ

పేడ కాని పేడ, ఏమి పేడ?
సమాధానం : దూద్ పేడ

నాది నాకు కనపడదు, నీది నీకు కనపడదు, ఏమిటది?
సమాధానం : వీపు

సందు కాని సందు, ఏమి సందు?
సమాధానం : పసందు

నీటి మీద తేలుతుంది కాని పడవ కాదు, చెప్పకుండా పోతుంది కాని జీవి కాదు, మెరుస్తుంది కాని మెరుపు కాదు?
సమాధానం : నీటి బుడగ

నడుస్తూ నడుస్తూ ఆగిపోతుంది, పీక మీదకు కత్తిని తెస్తే కాని మళ్ళీ నడవదు?
సమాధానం : పెన్సిల్

పండ్లున్నా నోరు లేనిది, ఏమిటది?
సమాధానం : రంపం

రాయి కాని రాయి, ఏమి రాయి?
సమాధానం : పావురాయి

ప్రాణం లేని చిన్న పాప అరిచి అరిచి పిలుస్తుంది, ఎత్తుకుంటే చెవిలో గుసగుసలు చెపుతుంది?
సమాధానం : టెలిఫోన్

పైన చుస్తే పండు, తెరిచి చూస్తే బొచ్చు, ఏమిటది?
సమాధానం : పత్తికాయ

పుట్టినపుడు ఉండవు, పోయే టప్పుడు ఉండవు, ఏమిటవి?
సమాధానం : బట్టలు

పుట్టినపుడు లేకుండా తరువాత వచ్చి ఆ తరువాత పోయేవి?
సమాధానం : దంతములు

చక్కగా పెట్టడానికి వీలవుతుంది, తీయటానికి పోతే చెరిగి పోతుంది?
సమాధానం : ముగ్గు

సాయి కాని సాయి, ఏమి సాయి?
సమాధానం : కసాయి

మంచి సువాసన ఉన్నా, పూజకు పనికి రానిది, ఏమిటది?
సమాధానం : మొగిలి పువ్వు

పేరు కాని పేరు, ఏమి పేరు?
సమాధానం : కాసుల పేరు

కళ్ళు లేకపోయినా ఏడుస్తుంది, కాళ్ళు లేకపోయినా నడుస్తుంది?
సమాధానం : మేఘం

తల నుండి పొగ చిమ్ముతుంది కానీ భూతం కాదు, గొంతులో నిప్పులు దాచుకుంటుంది కానీ రాకాసి కాదు, పాకుతుంది కానీ పాము కాదు?
సమాధానం : రైలు

తెలియకుండా పూవు పూస్తుంది, తెలిసి కాయ కాస్తుంది?
సమాధానం : అత్తి చెట్టు

జానెడు ఇంటిలో, మూరెడు బెత్తం?
సమాధానం : కుండ, గరిట

గడ్డి తినదు, కుడితి తాగదు, కానీ పాలు మాత్రం ఇస్తుంది?
సమాధానం : తాటి చెట్టు

కొప్పు ఉన్నా జుట్టు లేదు, కళ్ళు ఉన్నా చూడలేదు?
సమాధానం : టెంకాయ

ఐదుగురిలో బుడ్డోడు! పెళ్ళికి మాత్రం పెద్దోడు!!?
సమాధానం : చిటికెన వ్రేలు

ఒక ముండ ఎన్ని కోకోలైన విప్పుతుంది?
సమాధానం : ఉల్లిపాయ

గారు కాని గారు, ఏమిగారు?
సమాధానం : కంగారు

అది లేకపోతే ఎవ్వరూ ఏమీ తినరు?
సమాధానం : ఆకలి

అందరూ నన్ను పట్టుకుంటారు కాని నేనే ఎవరిని పట్టుకొను, అందరూ నాతో మాట్లాడతారు కాని నేనే ఎవరితో మాట్లాడను?
సమాధానం : టెలిఫోన్

గీత కాని గీత, ఏమి గీత?
సమాధానం : భగవద్గీత

గోళము కాని గోళము, ఏమి గోళము?
సమాధానం : గందర గోళము

అన్నం పెడితే ఎగురదు, పెట్టకపోతే ఎగురుతుంది?
సమాధానం : విస్తరాకు

అడవిలో చిన్న గని, గనికి చాలా గదులు, గదికొక్క సిపాయి, సిపాయికొక్క తుపాకి?
సమాధానం : తేనే పట్టు

అన్నదమ్ములు ముగ్గురు, తిరిగితే ముగ్గురూ తిరుగుతారు, మానితే ముగ్గురూ మానుతారు?
సమాధానం : ఫ్యాన్

అబ్బాయి గారి దొడ్లో పెద్ద పండు పడితే, పరుగెత్తలేక పది మంది చచ్చారు.
సమాధానం : పిడుగు

ఆడవారికి ఉండనిది, మగవారికి ఉండేది?
సమాధానం : మీసము

ఆడదానికి పుట్టినింట ఒకటి, మెట్టినింట ఒకటి?
సమాధానం : ఇంటి పేరు

ఆడవారు తక్కువగా మాట్లాడే నెల?
సమాధానం : ఫిబ్రవరి

ఇల్లంతా తిరిగి మూలకు కూర్చుంటుంది?
సమాధానం : చీపురు

ఇళ్ళు లేని పట్నాలు, నీళ్లు లేని సముద్రాలు ఎక్కడ ఉంటాయి?
సమాధానం : మ్యాపులో

ఇంటిలో ఉంటే ప్రమోదము, ఒంటిలో ఉంటే ప్రమాదము?
సమాధానం : పంచదార

ఇక్కడ వత్తు! అక్కడ వెలుగు!!?
సమాధానం : స్విచ్, బల్బ్

అన్నదమ్ములు ఇద్దరు, ఒకరంటే మరొకరికి పడదు, ఎప్పుడూ కొట్టుకుంటూనే ఉంటారు. వారి మధ్యకు ఎవరైనా వొస్తే పచ్చడి పచ్చడే?
సమాధానం : ఇసుర్రాయి

ఇద్దరు అక్క చెల్లెల్లు, ప్రపంచం మొత్తం తిరిగి చూసినా, ఒకరినొకరు చూసుకోరు?
సమాధానం : కళ్ళు

ఇల్లు మొత్తం వెలుగు, బల్ల కింద చీకటి?
సమాధానం : దీపం

ఇవ్వకుండా తీసుకో లేనిది! తీసుకోకుండా ఇవ్వ లేనిది!!?
సమాధానం : ముద్దు

అన్నదమ్ములు ఇద్దరు, ఒకరు ఎంత దూరం పోతే రెండవ వారు అంతే దూరం పోతారు?
సమాధానం : కాళ్ళు

ఈగ ముసరని పండు! ఇంటిలో నుండు!!?
సమాధానం : నిప్పు

ఈత చెట్టుకు ఇద్దరు బిడ్డలు?
సమాధానం : కల్లు కుండలు

ఊరంతా కదిలిన, ఊరగాయ కుండ కదలదు?
సమాధానం : బావి

ఉరికంత ఒక్కటే దుప్పటి?
సమాధానం : ఆకాశము

ఎర్రనిచెట్టు! నీళ్లు పోస్తే చస్తుంది!!?
సమాధానం : అగ్ని

మాములు వేళలో మర్యాదగా ఉంటుంది, ఎండకు వానకు నెత్తినెక్కుతుంది?
సమాధానం : గొడుగు

ఎర్రగా ఉంటాను కాని నేనెవరితో సరసాలాడను, నన్ను ముట్టుకుంటే ఊరుకోను.
సమాధానం : నిప్పు

ఎగిరే పిట్ట, రెక్కలు లేని పిట్ట! ఆటలాడుకునే పిట్ట, పిల్లల పిట్ట!!?
సమాధానం : గాలి పటము

ఎనమిది ఎముకలు! తట్టెడు ప్రేగులు!!?
సమాధానం : మంచము

ఎముకలు లేని జీవము, ఏటికి పోయింది?
సమాధానం : జలగ

ఏది పెడితే అరిగి పోతుంది?, ఏది పెడితే కలకాలం ఉంటుంది?
సమాధానం : అన్నము, వాత

అమ్మంటే దగ్గరకొచ్చి నాన్నంటే దూరంగా పోతాయి?
సమాధానం : పెదవులు

ఒకటి పట్టుకుంటే రెండు ఊగుతాయి?
సమాధానం : తక్కెడ

అడుగులున్నా, కాళ్ళులేనిది?
సమాధానం : గజము బద్ద, మీటర్ స్కేలు

ఒకరు పొడుస్తారు, ఒకరు విడుస్తారు?
సమాధానం : పొడుపు కథ

నల్ల స్తంభం పైన నలుగురు దొంగలు?
సమాధానం : లవంగం మొగ్గ

అందని వస్త్రం పై అన్నీ వడియాలే?
సమాధానం : నక్షత్రాలు

కాయలు కాని కాయలు, ఏమి కాయలు?
సమాధానం : మొట్టి కాయలు

అందరికి చెప్పి వొచ్చేది, చెప్పకుండా వెళ్ళేది?
సమాధానం : ప్రాణం

అందమైన చిన్నది, అందాల చిన్నది, నువ్వు చుస్తే నిన్ను చూస్తుంది, నేను చుస్తే నన్ను చూస్తుంది?
సమాధానం : అద్దము

కీచు కీచు పిట్ట! నేలకేసి కొట్ట!!
సమాధానం : చీమిడి

కిట కిట తలుపులు! కిటారు తలుపులు!! ఎప్పుడు తీసినా చప్పుడు కాదు?
సమాధానం : కను రెప్పలు

కిరీటము ఉంటుంది కాని రాజును కాదు, నాట్యము చేస్తాను కాని మయూరిని కాదు?
సమాధానం : నాగుపాము

కాటుక రంగు, కమలము హంగు! విప్పిన పొంగు, ముడిచిన క్రుంగు!!?
సమాధానం : గొడుగు

తల లేదు కాని గొడుగు ఉంది, పాము లేదు కాని పుట్ట ఉంది?
సమాధానం : పుట్ట గొడుగు

కడుపు లోన పిల్లలు, కంఠము లోన నిప్పులు! అరుపేమో ఉరుము, ఎరుపంటే భయము!!?
సమాధానం : రైలు

కార్డు కాని కార్డు, ఏమి కార్డు?
సమాధానం : రికార్డు

కాయ, పువ్వు లేని పంట?
సమాధానం : ఉప్పు పంట

కలి కాని కలి, ఏమి కలి?
సమాధానం : చాకలి

కోడి కాని కోడి, ఏమి కోడి?
సమాధానం : చకోడి

కొనే టప్పుడు నలుపు, తినేటప్పుడు ఎరుపు, పారేసేటప్పుడు తెలుపు ఏమిటది?
సమాధానం : పుచ్చకాయ

అన్నింటికన్నా విలువైనది, అందరికి అవసరమైనది?
సమాధానం : ప్రాణము

గింజ మునుగుతుంది, కాయ తేలుతుంది?
సమాధానం : వేరుశెనగ కాయ

కర్రలతో అతి చిన్న కర్ర?
సమాధానం : జీలకర్ర

గట్టుమీద రాయి! మినుకు మినుకు రాయి!!
సమాధానం : ముక్కు పుడక

గాలిలో ఎగిరే అద్దము పట్టుకుంటే పలిగి పోవు?
సమాధానం : సబ్బు బుడగ

కాయ కాని కాయ, అతి చిన్న కాయ?
సమాధానం : చెమటకాయ

గోడకు గొలుసు పండు!?
సమాధానం : లాంతరు

చీకటి ఇంటిలో జడల దయ్యము?
సమాధానం : ఉట్టి

చింపిరి గుడ్డలు! బంగారం లాంటి బిడ్డలు!!
సమాధానం : మొక్క జొన్న

చిన్న చిట్టిలో కమ్మని కూర?
సమాధానం : కిల్లీ

చిక్కటి కారడవిలో చక్కటి దారి?
సమాధానం : పాపిట

చారల పాపకి దూది కుచ్చు!
సమాధానం : ఉడుత

నూరు పళ్ళు ఒకటే నోరు?
సమాధానం : దానిమ్మ

సన్నని స్తంభం, ఎక్కలేరు, దిగలేరు?
సమాధానం : సూది

ఎర్రవాడొస్తే తెల్లవాడు, పారిపోయి దాక్కుంటాడు?
సమాధానం : సూర్యుడు, చంద్రుడు

పొంచిన దయ్యం! ఉన్న చోట ప్రత్యక్షం!!
సమాధానం : నీడ

అంగట్లో ఉంటాను, ఇంట్లో అంగి విప్పుతాను! నన్ను గాని ముట్టుకుంటే నూతిలో దూకుతాను!!
సమాధానం : అరటి పండు

ఇంట్లో మొగ్గ, వీధిలో పువ్వు?
సమాధానం : గొడుగు

అడవిలో పుట్టాను, నల్లగా అయ్యాను, ఇంటికి వచ్చాను, ఎర్రగా మారాను, తొట్టిలో పడ్డాను తెల్లగా మారాను?
సమాధానం : బొగ్గు

పైన పచ్చ ఏనుగు, లోన తెల్ల పీనుగు?
సమాధానం : అరటి కాయ

బారు కాని బారు, ఏమి బారు?
సమాధానం : సాంబారు

పిల్లలకు ఉచితము! పెద్దలకు బహుమానము!! యూవతీ యువకులకు అపురూపము, అందరికీ ఇష్టము?
సమాధానం : ముద్దు

హారము కాని హారము, ఏమి హారము?
సమాధానం : ఆహారము

పుట్టినపుడు పురుగు! పెరిగితే పువ్వుల రాజు?
సమాధానం : భ్రమరము

బడి కాని బడి, ఏమి బడి?
సమాధానం : రాబడి

పగలు తపస్వి, రాత్రి పండ్ల తోటలో రాక్షసి!?
సమాధానం : గబ్బిలం

బొట్టు కాని బొట్టు, ఏమి బొట్టు?
సమాధానం : తాళిబొట్టు

పచ్చని గుడిలో ఎరుపు రత్నాలు?
సమాధానం : దానిమ్మ గింజలు

బాడీ కాని బాడీ, ఏమి బాడీ?
సమాధానం : లంబాడి

పలుకు కాని పలుకు, ఏమి పలుకు?
సమాధానం : వక్క పలుకు

పైన పటారాము! లోన లొటారాము!!?
సమాధానం : మేడి పండు

మతి కాని మతి, ఏమి మతి?
సమాధానం : శ్రీమతి

మంచము కింద మామ! ఉరికి పోదాం రావా!!?
సమాధానం : చెప్పులు

మర కాని మర, ఏమి మర?
సమాధానం : పడమర, అలమర

మూడు కన్నులుండు, ముక్కంటిని కాను! నిండా నీరు ఉండు, కుండను కాను!!
సమాధానం : కొబ్బరి కాయ

మామ కాని మామ, ఏమి మామ?
సమాధానం : చందమామ

మీకు సొంతమైనది కాని, మీకన్నా మీ తోటి వారు ఎక్కువగా వాడతారు?
సమాధానం : మీ పేరు

మని కాని మని, ఏమి మని?
సమాధానం : ఆమని

మానము కాని మానము, ఏమి మానము?
సమాధానం : విమానము

మేమిద్దరం మిమ్మల్ని మోస్తాము, మీ అవసరము తీరాక మూలన పడుకుంటాము?
సమాధానం : చెప్పులు

పచ్చని పొదలో పిచ్చుక విచ్చుకుంది! తెచ్చుకోబోతే గుచ్చుకుంది?
సమాధానం : మొగిలి పువ్వు

చెవుల పక్క నక్కి ముక్కు మీదకెక్కుతుంది?
సమాధానం : కళ్ళ జోడు

మేక తిన్నాను, తోక పారేశాను?
సమాధానం : వంకాయ

మూసింది తెరువ! తెరువంగ అరువ!!?
సమాధానం : ఆవులింత

రాజు వారి తోటలో రోజూ కాసే పూలు! చూసే వారే కాని కోసే వారు లేరు!!?
సమాధానం : నక్షత్రాలు

వరి కాని వరి, ఏమి వరి?
సమాధానం : జనవరి

ప్రపంచం మొత్తం తిరిగేది, అన్నింటికన్నా వేగమైనది?
సమాధానం : మనసు

శాఖలున్నా ఆకులు లేనిది?
సమాధానం : సంస్థ

చాచుకొని, సావిట్లో పడుకునే ముసలమ్మ, ముడుచుకొని మూల నిలబడింది?
సమాధానం : చాప

చెయ్యని కుండ! పోయని నీరు!!?
సమాధానం : కొబ్బరి కాయ

నరుడు కాని నరుడు, ఏమి నరుడు?
సమాధానం : వానరుడు

నగలు కాని నగలు, ఏమి నగలు?
సమాధానం : శెనగలు

నూరుగురు అన్నా తమ్ముళ్లకు ఒకటే మొలతాడు?
సమాధానం : చీపురు

పట్టుకుంటే పిడికెడు, విడిస్తే ఇల్లంతా?
సమాధానం : దీపం

పట్టు సంచిలో బంగారు గుడ్లు?
సమాధానం : ఎండు మిరపకాయలు

మనదొకటి తడవదు, ఎండదు, ఆరదు?
సమాధానం : నీడ

వెండి గిన్నెలో దాగిన బంగారం?
సమాధానం : కోడి గుడ్డు

మనిషి మనిషి మధ్య రథ సారథి నేను, నేను లేకుంటే ప్రపంచమే లేదు?
సమాధానం : ప్రేమ

రెక్కలుంటాయి, రయ్ రయ్ మంటుంది, ఎగురలేదు కాని ఎగురవేస్తుంది?
సమాధానం : ఫ్యాన్

రణము కాని రణము, ఏమి రణము?
సమాధానం : చరణము

బంగారు బిడ్డలు, వెచ్చని దుస్తులు, గుర్రపు వెంట్రుకలు?
సమాధానం : మొక్కజొన్న

రాయి కాని రాయి, ఏమి రాయి?
సమాధానం : కిరాయి

ఉన్న చోటే ఉంటుంది, వేళా పాలా చెపుతుంది?
సమాధానం : గోడ గడియారం

రంగము కాని రంగము, ఏమి రంగము?
సమాధానం : చదరంగము

మతము కాని మతము, ఏమి మతము?
సమాధానం : కమతము

అన్నకు అందవు కాని తమ్ముడికి అందుతాయి?
సమాధానం : పెదవులు

వాలు కాని వాలు, ఏమి వాలు?
సమాధానం : ఆనవాలు

రేట్లెంత పెరిగినా ఎప్పుడూ పది పైసలకు రెండు వొచ్చేవి?
సమాధానం : రెండు ఐదు పైసల బిళ్ళలు

వల కాని వల, ఏమి వల?
సమాధానం : నవల

రోజుకో ఆకారం మారుస్తాడు, చివరకు నిండు సున్నా అవుతాడు?
సమాధానం : చంద్రుడు

గుప్పెడంత లోగిలిలో యాభై మంది నివాసం?
సమాధానం : అగ్గి పెట్టె

వారు కాని వారు, ఏమి వారు?
సమాధానం : నవారు

విత్తనం లేకుండా మొలిచేది?
సమాధానం : గడ్డము